គេខ្សឹបថា លោកណុបមន្ត្រីកងរាជអាវុធហត្ថខណ្ឌ ចំការមនចំការ ម្ចាស់ទីតាំងល្បែងស៊ីសងតាមអ៊ីនធឺណិតមួយកន្លែងនៅបឹងត្របែក?

រាជធានីភ្នំពេញ÷ ប្រជាពលរដ្ឋនៅសង្កាត់បឹងត្របែបានឱ្យដឹងថា បុរសម្នាក់ឈ្មោះណុប មានតួនាទីជាមន្ត្រីកងរាជអាវុធហត្ថខណ្ឌចំការមន ក្នុងនាមជាសមត្ថកិច្ចផងបានកាងវង់ ល្បែងស៊ីសងខុសច្បាប់នៅលើទីតាំងមួយកន្លែងដែលទង្វើបែបនេះធ្វើឲ្យប្រជាពលរដ្ឋមានការថ្នាំងថ្នាក់ចំពោះអាជ្ញាធរមានសមត្ថកិច្ចជាខ្លាំង។ យ៉ាងណាក៏ដោយមិន ទាន់មានការបំភ្លឺឆ្លើយតបយ៉ាងណាពីទីបញ្ជាការកង រាជអាវុធហត្ថមូលដ្ឋានខណ្ឌចំការមននៅឡើយ។ រីឯបុរសដែលរងការចោទប្រកាន់នោះក៏មិនអាចសុំការបំភ្លឺបានដែរ។

បើតាមប្រភពពីប្រជាពលរដ្ឋបានឲ្យដឹងថា មន្ត្រីកងរាជអាវុធហត្ថខណ្ឌចំការមន ឈ្មោះ ណុប បានលួចខ្សឹបថាល្បែងស៊ីសងខុសច្បាប់ស្ថិតនៅ ផ្លូវលេខ ៤៧៤ សង្កាត់ បឹងត្របែក ខណ្ឌចំការមន ជាប់ហាងសាច់អាំង ចំប៉ីស បឹងត្របែក ។  ចំណុចពិសេសនោះគឺប្រជាពលរដ្ឋប្រាប់ថា លោកណុប ដេីរចាប់វង់ល្បែងស៊ីសងអ្នកដទៃពេញក្នុងមូលដ្ឋានខណ្ឌចំការមន តែកន្លែងគាត់ គ្មានអ្នកណាហ៊ានមកក្បែរទេ។ ករណីនេះត្រូវបានគេពន្យល់ថា ដើម្បីប្រមូលអ្នកលេងឲ្យមកលេងទីតាំងរបស់ខ្លួន។ ប្រភពខ្លះបានបន្ថែមថា សមត្ថកិច្ចប្រដាប់អាវុធផ្សេងទៀតតួយ៉ាង ដូចជានគរបាលប៉ុស្តិ៍ បានដឹងអំពីល្បែងស៊ីសងតាមអ៊ីន ធឺណិតនៅទីតាំងខាងលើប៉ុន្តែមិនបង្ក្រាបទេ។

បើតាមសេចក្តីរាយការណ៍បានបន្ថែមទៀតថា នៅក្នុងទីតាំងខាងលើ គឺសម្បូរល្បែងស៊ីសងតាមអ៊ីនធឺណិតច្រើនប្រភេទមានទាំងឆ្នោតជាដើម។ សមត្ថកិច្ចផ្សេងៗដូចជាកងរាជអាវុធហត្ថ ឬកម្លាំងនគរបាលមូលដ្ឋានបានដឹងអំពីទីតាំងខាងលើនេះមានបង្កប់ល្បែងស៊ីសងតាមអ៊ីនធឺណិតដែលជារបស់លោកណុប ប៉ុន្តែមិនហ៊ានធ្វើអ្វីផ្ដេសផ្ដាសនោះទេ ព្រោះជាការយោគយល់មុខជាសមត្ថកិច្ចដូចគ្នា។ យ៉ាងណាក៏ដោយគេមិនដឹងថាតើលោកមេបញ្ជាការកង្រីកាត់មូលដ្ឋានខណ្ឌចំការមនបានជ្រាបដែរឬយ៉ាងណានោះទេ។

ករណីខាងលើនេះសូមលោកមេបញ្ជាការកងរាជអាវុធហត្ថខណ្ឌចំការមនមេត្តាបំភ្លឺផងដើម្បីកុំឲ្យប៉ះពាល់ដល់មុខមាត់កងកម្លាំងប្រដាប់អាវុធ និងជាពិសេស លោកអភិបាលខណ្ឌ មេត្តាពិនិត្យមេីលផង កុំឱ្យត្រីងៀតឆ្លៀតពង៕